Hunziker2020

Aargauer Wörterbuch

Mundartlese

Gon

christian_haller
Under de Duschi, wo anderi singe oder pfiife, hani mängisch die beschte Ifäll. I ha mi hüt zum Biischpiil, wo s Wasser warm übere Rügge abegloffe esch, gfrogt, werum i no nie es Schtart-öp gründet ha. I hätti nämlig es Projekt, wo Gesellschaft total verändereti, ohni sogenannte Praradigmewächsel, em Gägeteil. D Idee esch mer cho, wo ni inere Autobahnraschtstette es Gütterli Wasser kauft han. Das het so vil koschtet, wie ne Drüüer Pinot noir vom D...
Weiterlesen

Gopel

christian_haller
Chürzli han i uf dr Stroos de Hans troffe, de Hans Studer. Er esch frühner Filialleiter bi de Buechhandlig «Schmocker» gsi. Item, de het mehr verzellt, er sig anere Veranstaltig über de Paul Haller gsi. De heigi vor hundert Johr Sälbschtmord gmacht und do dra heig me welle erinnere, reschpektive a sis Wärch. De sig nämlig Dichter gsi und heig in Mundart gschribe, es Theaterstück und es Epos, wo «s Juramareili» heissi. A dere Veranschtaltig heigs ...
Weiterlesen

Wuer

christian_haller
Chürzli bin i im Kafi «Scheiwyler» mit em Marlies gsi. Am Näbetisch sind zwöi Ehepaar ghocket. Die händ riesigi Stück Cremtorte vor sech im Täller gha. – Das esch jo scho wahnsinnig, was d Lüüt afe ieschoppe, het s Marlies gmacht. Jetzt liist me doch überall, wie ungsund de Zuckerkonsum esch, aber die schoppe hemmigslos Süsses i sech inne. – Vo wäge hemmigslos, han i gseit. Jezt het mer dr Otti verzellt, no vor me Gränze wäge dem Virus gschlosse ...
Weiterlesen

Runzle, Ring und Grääbe

Reinhold Bruder
I ha nid weue der Eerscht sii, s eerschte Moou. Soo bin i haut no chli im Stedtli umezotzlet. Zwöi vor haubi bin i im Hirsche zur Töör ii. Uf der Stääge han i no gschwind d Naase putzt und de Grawattechnopf grichtet. Wi vor ere Prüeffig. Im Sääli han i si ghöört schwätzen und lache. I ha mi gstreckt und de Chopf glüpft, bi ie – und z Tood verschrocke. Es haub Totze Uurauti, zwüsche Tood und Verwäsig, hätt i ase jung gsäit. «Hoi zäme», han i grad ...
Weiterlesen

De Lüügi

Reinhold Bruder
Won i a säbem Mittwuchnomittaag vom Tschutte häichoo bi, bin i z Tood verschrocke. A der Huusmuur isch es Velo gstande, es schwaarzes Militäärvelo mit emene Sattu, wo mer fasch bis a d Achslen ue glängt het. Numen äine het e soon es Velo ghaa: de Moser. Und i ha sofort gwüsst, wisoo dass dee choo isch und was mer blüeit. Wäg der Velotuur mit de Föiftklässler i de Summerfeerie. I bi nid mitggange, wius mi überhäupt nid gluschtet het. Am Meendig na...
Weiterlesen

Koudere

Reinhold Bruder
«Hoi Mueter. Wisoo bschlüüssisch? Jetz han i grad wider weue goo. Loosch mi nid ie?» «Ha niemer bsteut und bruuchen äu nüüt. Häus, und zwaar hantli!» «Aso tschäu.» «Was wotsch? Dänk wider mi cho kontroliere. Susch chunsch jo nie. S isch truurig. Wen i tood bi, vernimmschs us der Ziitig.» «Kouderisch wider äinisch?» «De chunsch haut ie.» «Wi goots der? Verzeu!» «Si plooge mi immer no. Au Friitig zwinge s mi z dusche. Derbii wäsch i mi jeede Morge....
Weiterlesen

Stündeler

Reinhold Bruder
Jede Mittwuchzoobe und jede Sundigzmittaag isch e groossen eutere Maa in ere tunkublääuen Uniform a öisem Huus verbiigloffe. Um di stiiff tunkublääu Chappen ume hets es roots Band ghaa, und deet druff isch «Heilsarmee» gstande. «Lug deet, de Haasewiiler Häiland», het mi Vatter gspottet. Das seige ganz bsunders Frommi, Stündeler ebe. Meer het de Maa mit siner stramme Hautig und sine lange Schritt gfaue, und es het mi wunder gnoo, woäne das er goot...
Weiterlesen

Schüüchbündu

Reinhold Bruder
Sträng het mi d Mueter erzoge. Nid d Naase zvorderscht haa. Nid s groosse Woort füere. Immer schöön aaständig. Ke Lumpezüüg. D Mäitli lo sii. Und dass d mer de nid öppen umegheisch. I bin e Gföugige gsii. Nid nume dehäim, äu i der Schueu, vo der eerschte Klass aa, und äu i der Bez no. E Muschterchnaab. Aber was han i ghaa dervo? Gschiit und braav und langwiilig seig i, han i vo mängem vo miner Klass ghöört. Äine, wo nie schwätzt i der Stund, imme...
Weiterlesen

Wälle

patti_basler
Es hett scho wider Widechätzli. Widebusle. Vill z’früeh. Und d’Hasle blüihe. Am Morge ghört mer Vögel zwitschere, wie wenns scho Aprille wär. Und d’Röiel schliiche dur s’Züg dur, wie wenn sich d’Busle für si eso uftusset hätte. Debi ischs Fasnacht und mer möchte mit gfürchige Verchleidige de Winter vertriibe. Wenns esonen schöne Tag gsi isch im Winter, simmer ame mitem Grosi i Wald hindere go düürs Riis hole zum Wälle mache. D’Äscht und Zwiig häm...
Weiterlesen

Feisse

patti_basler
«Wumm!», ich ha dänkt, jetzt sigs passiert. Jetzt sig Beznau 1 id Luft gfloge. Sit ich a de Limmat wohne, hani schliesslich die Jod-Tablette im Chuchichäschtli und d’Angscht vorem aargauische Super-GAU findet i eusem Leib statt. Chüelturmdampfwolke wi Fasnachstszuckerwatte. Mer weiss jo nie, wenns eis vo dene alte Chraftwärch putzt, es wärde Wette abgschlosse, mer hett scho verschidentlich ghört «Place your bets now!». Dr Aargau hett gfeisset a d...
Weiterlesen

Chriesi

Patti Basler
«Chumm, mer wänd go Chrieseli günne, weiss amene Ort gar gruseli vill!» händs ame gsunge und ich ha nume dänkt: «Natürli weisch du en Ort mit vill Chriesi, de Ort heisst Chriesi-Plantage und isch im Fall genau us dem Grund gmacht worde, demit du ebe weisch, wo genau die gruseli vill Chriesi sind.» Und gruseli vill sinds gsi, jedes Johr, jede Summer, jedi einzelni Wuche vo de Summerferie. Mer wänd go Chrieseli günne. Nüt! Gar nüt hämmer wölle günn...
Weiterlesen

Jümpferli

Patti Basler
«Basler-Jümpferli, mach s’Fänschter zue!», hett de Pfarrer grüeft. Für ihn sind alli Meitli Jümpferli gsi. Bi de Buebe hett är kei Diagnose gstellt bezüglich Jungfräulichkeit. Är hett ihne eifach «Bueb» gseit. «Meier-Bueb, mach s’Muul zue!» Überhaupt hett mer vill müesse zuemache im Religionsunterricht bim Pfarrer. S’Bravoheftli, s’Etui, de Hoselade. Und d’Ufgschlosseheit sowiso. De Pfarrer isch ned wahnsinnig offe gsi gegenüber nöie Ideeä. S het...
Weiterlesen

Niene

Klaus Merz
S muess jo massehaft Chüe umeha, wenn d tänksch, so viil Milch uf de Wält. Und i suffe Bier. Eigentlech gschämig. Aber schöni Zähn gha immer, erscht nochhär überall Eiter. Ratsch, alli zoge, oben und unde. Besser als Zahnweh, chasch mer’s glaube. Regina, no es Herrgöttli! – Komm, Herr Jesus, sei unser Gast und segne, was du uns bescheret hast. – De Betrebspsycholog hett mi nume churz agluegt: Si sind chrank, Herr Schtadler, hett er gmeint. S...
Weiterlesen

Keis Märli

Klaus Merz
Wöll si ihri vöörig Milch vor em Inachte ame unbedingt heig wölle los wärde, sig sini Grossmuetter nach em Stille vo de eigete Chind immer vo Huus zu Huus zoge und heb i de Nochberschaft ihri Milch feil gha. So sig si einisch im ene alte Heimetli am Dorfrand uf ene hungerige Säugling gschtosse und heb ne, näb de matte, bettlägerige Püri zue, grad a ihri schwär Bruscht gnoh. De Bueb heb trunke wie ne Grosse, es sig ere ganz liecht worde debii. Dor...
Weiterlesen

Barfis

Klaus Merz
Zwee Buebe träge e verletzte Ängel verbii. Er hocket vorinebeugt uf ere zämezimmerete Holzbahre, schleickt sis wiisse Chleidli am Bode noh. Dr Ängel isch barfis, er het langi blondi Hoor und e Hick im Flügel. E wiisse Verband deckt em beidi Auge zue: Was isch dem zarte Wäse, meh Frou as Maa, meh gflügleti Nymphe as Frou, au nume passiert – mit sim Bluemeschtrüssli i dr einte Hand? Wie isch es überhoupt zu öis uf d Ärde abe cho? – Die beide B...
Weiterlesen

Alles karfange

Klaus Merz
De Lehrer isch vor sim Schnapps ghocket und het d Wand aagluegt. Wenn er s Glas bis zur Helfti gläärt gha het, isch em sis letschte Schueljohr bis zu de Pensionierig ame wieder absehbar worde. Es wird scho goh, hett er gseit, und de Paul am obere Tischändi hett gnickt. Är hett si suur Moscht wie immer diräkt us em brune Tonchrüegli trunke, mit eme Schuss Eigebrand drinn. Dass’ nid chältet. De Paul hett nume no sini paar Säuli bsorget. Früener isc...
Weiterlesen

By accepting you will be accessing a service provided by a third-party external to https://www.hunziker2020.ch/

Alle Autorinnen und Autoren im Überblick

Alle Beiträge im Überblick

Nach oben