Hunziker2020

Aargauer Wörterbuch

Mundarttexte

Grüble

andreas_neeser_2_c_alex_spichale
Sehnsucht, halbi zwöi Du hättsch no Liecht am halbi zwöi und stiendsch bim offne Fäischter zue, e weiche Blick gieng über d Gass, hättsch irgendnöimen öppis gsuecht. I winke still mit offnem Muul, mer sind is jede s ander Aug. Du singtisch liislig öises Lied  und preichtisch alli blaue Töön, wie früecher tantzte mer am Strand, e Muschle, s Ruusche vo der Wält. I mache der us Kläng es Meer, mer schwimme drin wie Musigfisch. Du wüsstisch nid, ...
Weiterlesen
Markiert in:
Grüble

Schlarpi

nathalie-schmid_1_c_sandra_ardizzon_20210105-144711_1
Schlarp ned eso. Me löpft d’Füess. Ond sowiso es Meitli. Es Meitli nemmt au ned eso grossi Schrett. Du laufsch jo als wörd öpper of di warte als hättsch en Termin als bränntisch druf vo do wäg z’cho. Ond pass besser uf was d’ seisch wenn d’ seisch was dänksch denn esch denn dööt schnäll nor no Gströpp hocksch ellei im Egge mett de Händ  vorem Gsecht ond brüelisch. Pass also uuf. S’esch ned schön so ohni Schotz vo de Böim emmer guet sechtbar ...
Weiterlesen
Markiert in:
Schlarpi

Änet

nathalie-schmid_1_c_sandra_ardizzon_20210105-144711_1
Änet em Haag esch s’ Gras grüener das weisch jo d’ Chüeh send fetter änefür d’ Wolke weicher. Weisch au dass es änen ume weniger wendet ond s’drom dööt äne chli eifacher goht zom graad schtoh? Äne use esch es denn scho nömm ganz eso. Wenn die emol änefüre chömed seisch eifach Grüezi ond laufsch wiiter. Ond wenn einisch worom au emmer äne an Bärg gosch passisch guet uuf. Mett dene gohts nämmli änen abe Ond hoffentli chömeds vo de andere Siite äne ...
Weiterlesen
Markiert in:
Änet

Holderbluest

nathalie-schmid_1_c_sandra_ardizzon_20210105-144711_1
Mer send drü Generatione Fraue wo do spaziere of em Chornbärg zwösche de Grüsch vo de Amsle ond em Liecht im Blätterdach. Am Wägrand streife mer e Holderbluest nach de andere mett onzählige chline Stärne wie d’ Kristall vo Zucker oder Stickereie of emene choschtbare Stoff. Wiiter vore gsämmer en Ameissihuufe chli versteckt im Ghölz. Jedi vo eus hett scho mol driigstoche zom luege wie sechs bewegt ond jedi vo eus hett scho mol öppis Verbotnigs gma...
Weiterlesen
Markiert in:
Holderbluest

Gorps

nathalie-schmid_1_c_sandra_ardizzon_20210105-144711_1
D’Lina setzt of ehrem Setzplatz ond luegt in Räge. Sie süfzget. Ehri Schwegertochter hett sech da Johr ändlich doregsetzt ond de Ahorn pflanzt, dööt, wo d’Lina lieber en nöie Nossbaum gha hätt. Nossböim send ehri Lieblingsböim, grad nach de Chriesiböim – aber ehri Schwegertochter hett e kei Verständnis för söttigi Sache. Ehri Schwegertochter gseht d’Sache andersch als d’Lina, das esch ehre scho lang klar. Johr för Johr hett d’Lina Tomate pflanzt,...
Weiterlesen
Markiert in:
Gorps

Pfnuchse, nüüsse, niesse – de Turmbou zu Babel vo Chüttige

claudia_storz_3_c_britta_gut
E Studäntin us mim Literaturkurs het verzellt, dass sie als feufjährigs Chind dänkt het, jede Mönsch redi e komplett anderi Schproch us emen andere Land. Sie sig mit drü Erwachsene i de Schwiiz ufgwachse, ere kroatische Muetter, eme serbische Vatter und ere bosnische Grosmuetter, wo alli ihri Heimetschproch gredt händ, dehei. Uf em Spielplatz heg sie immer mit ihrere Schwiizer Fründin Jasmin gspielt. Bevor sie in Chindergarte gange sig, heg sie u...
Weiterlesen
Markiert in:
Pfnuchse Nüüsse Niesse

Salfefeni und drissg Wörter für Schnee?

claudia_storz_3_c_britta_gut
D Lexika sind Fundgruebe. Mer cha inene läse wie imene Telifonbuech und sich Gschichte und Mönsche vorschtelle. Trotzdem hani sicher 20 Lexika weggheit bim Zügle, mer bruucht die Schüngge eigetlich nümm körperlich, nur no digital! Weles Wort kenn ich ned? (und kennt mer ned emol i Chüttige?) Salfefeni isch für mich s schwierigschte Wort im neue Aargauer Lexikon, (wo i dem Johr digital use cho isch). Es tönt gheimnisvoll und fremd. Mer sägi das Wo...
Weiterlesen
Markiert in:
Salfefeni

Drü Söümeitli schpiled de Änkeltrick

claudia_storz_3_c_britta_gut
D Marion het zweu schrilli Talänt gha. Si het Schtimme so chönne nomache, dass mer gmeint het, sie seig öppe d Klasselehreri, wo hinder eim stöch. Und wänn alli sich gchugelet händ vor Gigele, denn het sie todärnscht gfrogt: – Finded ihr das luschtig? Amene Mittwuch Nomittag het d Marion zu sich hei iglade i di schturmfrei Bude. Si het s Telifonschpil vorgschlage. Si miech das öppe au elei. S händ zweu Telifon i de Wonig gha, ein Apparat no im Sc...
Weiterlesen
Markiert in:
Söümeitli

Gedichte

claudia_storz_3_c_britta_gut
Ratschläg: Nüt ferplämpere! Bisch tuch, aber gsund? Mach immer nur das, wo du kei Luscht druf hesch. Schtiig us de Traufe, im Räge ischs frischer de Beelzebueb chasch mit em Tüfel sinere Grossmuetter ustriibe und wenn si säged «Ändi guet», so cha mer sich de Räscht dänke!   Triangel   D Chind vo eusne FründFinnegan, Pamina und Solveigheissed d Chind vo eusne FründKünschtler sind ihri Götti gsiund doch schtönd sie da mit ihrne runde Brül...
Weiterlesen
Markiert in:
ferplämpere

Ruej

thomas_hostettler
Es chunt zur Zit vöu Guets us China. Was für nes Gschänk di Ruej! Isch das e schöne Früeligsmorge! Kes Wöukli am Himu 18 Grad Celsius und es linds Lüftli. Karfritig. I sitze vor em Huus und dänken a mis Mami. Mis Büechli uf de Chnöi. De Zingaro e schwarze Kater schmeichlet sich dezue und ribt mir s Chöpfli a de Füess. Linggerhand de Chriesiboum tribt sini erschte Blüete (vöu z früe!) de Raps gradus no grüen de Himu drüber blau und klar we säute. ...
Weiterlesen
Markiert in:
Ruej

Ambeissi

thomas_hostettler
Han i das jez s Läbe lang fautsch gseit? Meer z Zofige sägen «Ameisi» und e verstorbne Fründ de Regisseur Joschy Scheidegger us Züri het gseit: «Amäisi». «Mängisch han ich s Gfühl mir siged Amäisi wo fliissig eri Hüüfe baued und nöd merked dass rundume de Wald brännt.» Pfingschte. Täglich de Blick a Himu. Me cha ne immer no rüeme. A der Uffert isch der erscht Flüüger vo St. Urbe här über e Waud z pfuderechoo es Päiperli und het e Rundi ddräit.Hüt...
Weiterlesen
Markiert in:
Ambeissi

Wisheit

thomas_hostettler
«D Wisheit mit Löffle gfrässe!» het sich s Mami ame chönnen ärgeren über d Buechhändleren am Chileplatz (wo hüt schlicht und eifach -Leserei- heisst) wenn die wider mou us irgend emen exischtenzialistische Schungge vom Sartre zitiert und über s «Nichts» pprediget het: «D Wisheit mit Löffle gfrässe!» Was isch Wisheit? De Bertolt Brecht zum uf ne zruggzchoo wär gärn e weise Maa gsi. Er het de Laozi verstanden aber er het sich müesse säge das chönn ...
Weiterlesen
Markiert in:
Wisheit

Halungg

simon_libsig_c_adrian-ehrbar
I de Primarschuel bin ich en rächte Pfüderi gsi. En Bodesurri. En chline Pfupf. Aber ich han defür höch chönne gumpe und chlättere. Und ich han en grosse Traum gha. En riesige, chame fascht säge. D Samanta. Sie isch über en Chopf grösser gsi als ich und hät Zöpf gha. Und vell meh Spielzüg als ich. Und sie hät erwachsener gredt. «Das gsehn ich au so», het sie amigs gseit, anstatt eifach «jo». Oder «Findsch das e gueti Idee?», anstatt eifach «nei»....
Weiterlesen
Markiert in:
Halungg

Tubel

simon_libsig_c_adrian-ehrbar
De Sepp hät scho sit Johre en choge Striit mit sim Nochber, em Heinz. Jo. Will am Heinz sini Chatz isch eifach immer in Garte vom Sepp überecho und hät dä Garte regelrächt bschüttet. Me chas nöd andersch säge. Richtig gület hät sie die Wiese vom Sepp. Die hät jo immer Durchfall gha, die Chatz, die isch jo gar nüme noche cho mit Zuebudle, die hät sich eifach all paar Meter i däre Wiese vom Sepp entläärt, eifach Hüfeli a Hüfeli a Hüfeli anepflädere...
Weiterlesen
Markiert in:
Tubel

Mueter

simon_libsig_c_adrian-ehrbar
D Lisa isch sit churzem bi de Grüene, aber hät scho sit langem us Prinzip keis Auto. «Ich chauf mir doch keis Auto», hät sie gseit, «ich bin doch nöd bireweich. Für was au? Für was? Ich bruch doch kei CO2-Schlüdere! Und stoht jo nume ume, dä Chlapf, mit sine 210 PS, mit sim tüfergleite Sportfahrwerch, sine 17 Zoll Liechtmetall-Räder und sim 6-Gang-Doppelkuppligs-Getriebe. Das zieht mir doch am Huet verbi sonen Charre. Und do chan dä no lang en Pa...
Weiterlesen
Markiert in:
Mueter

Schleze

simon_libsig_c_adrian-ehrbar
De Roli hät sit drü Wuche es Problem mit de Gschirrspüelmaschine. Sie wäscht zwar no, aber jedes Mol, wenn d Maschine duregloffe isch, dänn machts «zack!» und all Sicherige im Huus gheied use. Dasch doch obermüehsam so öppis, gopferdeckel. Muess er immer zum Sicherigschaschte und weder alli Hebel ue drucke. Saich das! Guet, jetzt hät de Roli s Telefon id Hand gnoh und denn isch denn eine cho, vo de Herstellerfirma. Dä hät die Gschirrspüelmaschine...
Weiterlesen
Markiert in:
Schleze

Notize usem April zweituusigzwanzig oder: Südele und chöchele

eva_sec_20210105-145303_1
Sunntig, 5. April Eusi Tochter und de Noochbersbueb schpiled südele und chöchele. Sie leere e Chischte mit Glugger ine Pfanne. Es läärmt so luut, dass sie nit ghöre, wien ich sie usem Büro use aabrüll, sie sölle gfelligscht Rueh gee. Siit drü Wuche schaff ich vo dehei us, d’Kita het zue, so wie alli Schuele, alli Läde, Kinos und Reschtis. In de letschte Täg han ich beobachtet, wie d’Chnöpf vom Ahorn, wo bi eus im Innehof schtoot, ufbroche und chl...
Weiterlesen
Markiert in:
Südele Chöchele

Bluetig

eva_sec_20210105-145303_1
Hüt am Morge e fiini rooti Färbig ufem WC-Papiir entdeckt, ganz es hells Root, eigentlich scho fascht altroosa. Mängisch bini mer nid sicher, öb do würklich öpis isch, öb mir d’Auge und s’Gfühl nit en Schtreich schpiile. Es isch jede Monet s’Gliich, ich wart und wart nit. Ich gschpüür, wie sich mis Körpergfühl, mis Dänke und Rede veränderet, dass mir d’Müedikeit wiene guet dosierts Gift langsam dur de Körper sickeret, süüferli, aber zueverlässig....
Weiterlesen
Markiert in:
Bluetig

Gwundrig

eva_sec_20210105-145303_1
“My mother tongue Sits in my throat like an allergy” (usem Gedicht Local vo de Koleka Putuma) Nachem erschte Zögere hani mich druf gfreut, de Teggscht in Mundart z’schriibe. Aber mis Zögere het mi gwundrig gmacht und ich han über mini Chindheitssprooche afo noochedänke. Mit minere Mueter han ich Schwiizerdütsch gredet und aafänglich schiins au mit mim Vater. Woni öppe vieri gsi bi, hani mit ihm aafo französisch rede. Hüt froogi mi, wie das dönt u...
Weiterlesen
Markiert in:
Gwundrig

Herbschtwind oder: Farbigs Ruusche

eva_sec_20210105-145303_1
Wer schteckt dehinter was für es Wääse welli Erinnerig oder was für e Technik erzüügt de bsundrig Effekt wo d’Chopfhuut chüelt d’Hoor ufweiht und jedi Poore elektrisiert (aber nume ganz fiin). Dänk an Winter vor acht Johr wo d’Fingerschpitze gschmärzt händ ohni dassi noime aacho wäre dusse isch es so chalt gsi dass d’Summervögel mitemne luute Klirre uf de Bode gheit sind. Dänk an Momänt wo s’Gsicht ändlich losloot unter de Berüerig vo dinere Hand...
Weiterlesen
       
1 2 3

By accepting you will be accessing a service provided by a third-party external to https://www.hunziker2020.ch/

Alle AutorInnen und Texte in der Übersicht

Zur Übersicht
Nach oben